Тыдзень беларускай мовы і літаратуры
15.02.2021“Толькі праз родную мову
чалавек можа стаць беларусам,
бо ў ёй хімія і фізіка,
гісторыя і батаніка,
эканоміка і культура таго,
што называецца нацыяй, народам”
Янка Сіпакоў
Дзень 1 (15.02, панядзелак)
“Размаўляй на мове, а не пра мову” – пад такім слоганам пачаўся тыдзень беларускай мовы і літаратуры ў ліцэі. Першы дзень тыдня распачала акцыя “Складаем слоўнік любімых беларускіх слоў разам”, да якой на працягу дня далучаліся ліцэісты, настаўнікі і іншыя работнікі ўстановы. У выніку атрымаўся сапраўдны “Слоўнік любімых беларускіх слоў ліцэістаў – 2021”. А да якіх высноў прыйшлі мы пасля аналізу прапанаваных вучнямі слоў, вы даведаецеся заўтра!
У гэты першы дзень вядучыя радыёэфіраў “Гавары са мной па-беларуску” Кіслая Дар’я і Рэчыц Арсеній, Кікун Нэлі і Грэчная Вольга, вучні класа 11-4, паклалі пачатак беларускамоўным эфірам у ліцэі і далі карысныя парады для тых, хто не ведае або сумняваецца, як пачаць размаўляць па-беларуску. Вось некалькі слушных парад ад нашых радыёвядучых:
Як пачаць размаўляць па-беларуску:
- Пазбаўцеся страхаў
- Папаўняйце свой слоўнікавы запас
- Пішыце па-беларуску
- Звяртайцеся па-беларуску да незнаёмцаў
- Пачніце ўжываць мову ў побыце
- Пазнаёмцеся з дасведчанымі носьбітамі мовы
- Набярыцеся цярпення
- Наведвайце ўрокі і факультатывы нашых настаўнікаў
- Вучыце мову дыстанцыйна
А таксама ў першы дзень тыдня быў дадзены старт наступным творчым конкурсам:
- Конкурс на лепшае кароткае апавяданне і лепшы ўласны верш;
- Конкурс на лепшы рэкламны ролік па-беларуску;
- Конкурс на лепшы творчы фотапраект “Прырода на дзіва праўдзіва…”.
Фотагалегэя: